“iPhone 8” smartfonunda yeni qoruma sistemi istifadəyə veriləcək24.01.2017262 izləmə

“iPhone 8” smartfonunda yeni qoruma sistemi istifadəyə veriləcək

“KGI Securities” şirkətinin analitiki Min-Çi Kuo “Apple” korporasiyasının istifadəçinin biometrik eyniləşdirməsi üzrə yeni sistem üzərində işlədiyi haqda məlumat paylaşıb. Yeni texnologiya “Touch ID” funksiyasını əvəz edəcək.

www.azerbaijan360.az portalı “ictnews” saytına istinadən yazır ki, ekspertin sözlərinə görə, “Apple” korporasiyasının əməkdaşları “OLED” ekranı vasitəsilə barmaq izlərinin tanınması üçün optik sensor texnologiyası üzərində işləyir. Bu, ekranı biometrik məlumatları oxuya bilən smartfon yaratmağa imkan verəcək.

Bundan başqa, elastik “OLED” ekranlarının qalınlığı “TFT-LCD” analoqlarından daha nazikdir ki, bu da skanerin işində daha yüksək dəqiqliyə nail olmağa imkan verəcək. Min-Çi Kuo hesab edir ki, şirkət gələcəkdə sifətin tanınması sistemi ilə birgə barmaq izlərinin skanerindən istifadəyə əsaslanan ikimərhələli qoruma sistemi tətbiq edəcək.

O, həmçinin əlavə edib ki, gələcəkdə “Apple” şirkətinin smartfonlarında daktiloskopik sensor ləğv edilərək başqa biometrik eyniləşdirmə texnologiyaları tətbiq ediləcək.